નર્મદા સુગર ફેક્ટરીમાં ફોર મેન તરીકે કામ કરતાં સામાન્ય કર્મચારી ની દીકરી વંદના યાદવ ધોરણ -12 સામાન્ય પ્રવાહમાં જિલ્લામાં પ્રથમ આવતા માતા-પિતાની આંખોમાં હર્ષના આંસુ આવ્યા

નર્મદા સુગર ફેક્ટરીમાં ફોર મેન તરીકે કામ કરતાં સામાન્ય કર્મચારી ની દીકરી વંદના યાદવ ધોરણ -12 સામાન્ય પ્રવાહમાં જિલ્લામાં પ્રથમ આવતા માતા-પિતાની આંખોમાં હર્ષના આંસુ આવ્યા.
બીકોમ એમ.કોમ કરીને સારી નોકરી કરવાનું વંદનાનું સ્વપ્ન.
રોજ 6 કલાક અભ્યાસ કરી સફળતા મેળવી.
રાજપીપળા,તા.15

નર્મદા સુગર ફેક્ટરીમાં ફોર મેન તરીકે કામ કરતાં સામાન્ય કર્મચારી ઉજ્જેનસિંગ યાદવની દિકરી વંદના યાદવે ધોરણ-12 સામાન્ય પ્રવાહમાં જિલ્લામાં પ્રથમ આવતા માતા-પિતાની ખુશીનો પાર ન હતો આંખોમાં હર્ષના આંસુ આવ્યા હતા. એક સામાન્ય પરિવારમાંથી આવેલ વિદ્યાર્થી પણ સારું પરિણામ લાવી શકે છે, એ વંદનાએ સાબિત કરી બતાવ્યું છે. વંદનાના જણાવ્યા અનુસાર રોજ 6 કલાક અભ્યાસ કરી સફળતા મેળવીને 12 કોમર્સમાં 82.57 ટકા મેળવ્યા બાદ હવે તેને બીકોમ કરી એમ.કોમ કરીને સારી જોબ મેળવી માતાપિતાને આર્થિક રીતે મદદરૂપ થવાનું સ્વપ્ન સેવ્યું છે. માતા-પિતાએ તેને મોં મીઠું કરાવી આશીર્વાદ આપ્યા હતા.

રિપોર્ટ : જ્યોતિ જગતાપ, રાજપીપળા

Translate »
%d bloggers like this: