બોટાદનો 19 વર્ષનો માનવ મહેતા બન્યો રિયલ કોરોના વોરીયર

બોટાદનો યુવા કોરોના વોરિયર માનવ મહેતા.
આઈ.ટી. વિદ્યાર્થીએ બોટાદ જિલ્લા માટે બનાવી અનેક એપ.
“ગેટ- વે ઓફ બોટાદ” ને રાજ્યભરમાં પ્રતિસાદ સાપડતા બની “ગેટ વે ઓફ ગુજરાત”
આજકાલનો આ લોકડાઉન નો સમય. હરકોઈ વ્યક્તિ પોતાની મનગમતી પ્રવૃત્તિમાં દિવસો પસાર કરે છે. કોઈ ટોળ ટપ્પા મારે છે, કોઈ ઘરે કંટાળો અનુભવે છે, કોઈ સરકારની લોક ડાઉનની ની નીતિને ભાંડયા કરે છે તો કોઈ બંધ બજારોમાં અટફેરા મારીને આંનદ મેળવે છે. લોકડાઉન ની લાગુ થવાની સાથે જ રાજ્યના તમામ શાળા કોલેજોને તાળા લાગ્યા. પરીક્ષાઓ બન્ધ રહી, માસ પ્રમોશન અપાયા. આમ થવાથી દેશનું યુવાધન તદ્દન ફુરસદ વાળું બન્યું. મોટાભાગના આવા યુવાનો લોકડાઉનના આ સમયમાં રાતદિવસ પબ – જીમાં, અથવા ટિકટોક ના વિડિયો જોવા- બનાવવામાં વ્યસ્ત હતા ત્યારે બોટાદનો એક વિદ્યાર્થી સેવાભાવી નવયુવના તંત્ર સાથે ખભે ખભો મિલાવી કોરોના સામેના આ મહાયુદ્ધમાં જંગે ચઢ્યો હતો!

આ વાત છે બોટાદના નવ યુવાન માનવ મહેતાની. બોટાદના વૈષ્ણવ વણિક પરિવારમાં જન્મેલા માનવ મહેતાની ઉંમર માત્ર 19 વરસ છે. પિતા ભરતભાઇ એસ.બી.આઇ બેન્ક માં નોકરી કરે છે. કોમ્પ્યુટર એન્જિનિયરિંગના બીજા વરસમાં અમદાવાદની સિલ્વર ઑક યુનિવર્સિટીમાં અભ્યાસ કરતો માનવ,લોકડાઉન ના લીધે શાળા કોલેજો બંધ થતાં બોટાદ પરત આવ્યો. સતત નવું નવું કામ કરવા ટેવાયેલા માનવને ક્યાંય ચેન પડતું ન હતું. કોરોના મહંમરીને નાથવા જંગે ચડેલા તંત્રને જોઈ મનમાં સતત એવું થયા કરતું કે ,”કાશ હું પણ અમા કઈક યોગદાન આપું.”
લોકડાઉનની શરૂઆતમાં બોટાદ જિલ્લાના રહીશોને ઘરેબેઠા અનાજ કારીયાણું પહોંચાડવા માટે એક ડિલિવરી ચેઇન ઉભી કરવી એ તંત્ર માટે મોટો પડકાર હતો. એમાં પણ જિલ્લામાં સૌ થઈ વધુ વસતી ધરાવતા બોટાદ શહેર માટે આ વ્યવસ્થા ગોઠવવી એ કસોટી રૂપ કામ હતું. બોટાદ જિલ્લાના યુવા કલેક્ટર વિશાલ ગુપ્તા સાહેબ કે જે પોતે આઇ. ટી. એક્સપર્ટ છે, તમણે આ કામ ટેકનોલોજીની મદદથી સરતાથી થઈ શકશે તેવો નિર્દેશ કર્યો. બોટાદ શહેર માટે એક એપ્લિકેશન બનાવવામાં આવે જેમાં બોટાદનો નાગરિક પોતાનો વિસ્તાર સિલેક્ટ કરે એટલે તે વિસ્તારમાં હોમ ડિલિવરી માટે અધિકૃત કરાયેલા વેપારીઓ ના નામ નંબર મળી આવે. જિલ્લા પુરવઠા અધિકારી આશિષ મિયાત્રાને આ કામગીરી સોંપવામાં આવી. આ કામગીરી મહત્વપૂર્ણ હતી. તંત્રને એવા વ્યક્તિની શોધ હતી કે જે ને આ પ્રકારના સોફ્ટવેર વિકસાવવાની આવડત હોય અને સ્થાનિક કક્ષાએ કામ કરી શકવાની ક્ષમતા હોય.! બોટાદના જ એક સજ્જન એ કલેકટર સાહેબને માનવનું નામ સૂચવ્યું. છોકરો ઉંમરમાં નાનો છે પણ હોશિયાર છે. તંત્રને મદદરૂપ ચોક્કસ બનશે. કલેક્ટર સાહેબ સાથે મુલાકાત બાદ માનવને આ એપ્લિકેશન બનાવવાનું કામ સોંપવામાં આવ્યું. દિવસ રાત મહેનત કરી 2 દિવસમાં આ એપ્લિકેશન તૈયાર કરી. આ એપ્લિકેશન ને કલેક્ટર શ્રી દ્વારા નામ આપવામાં આવ્યું ‘આંગન’.
વિધાર્થી મનન મહેતાની આવડત અને કામ કરવાની કુશળતાથી પ્રભાવિત થઈ કલેક્ટર સાહેબ દ્વારા તેને બીજો પ્રોજેક્ટ સોંપવામાં આવ્યો. તંત્ર દ્વારા કાગળ પર તૈયાર થયેલા ક્લસ્ટર ઝોનને ગુગલ મેપમાં અસર આપવાની કામગીરી. આ કામગીર ખૂબ લાંબી અને સાવચેતી પૂર્વક કરવાની થતી કામગીરી હતી. વળી એ સમયગાળામાં કરોના બોટાદ જિલ્લાના આસપાસના તમામ જિલ્લામાં કોહરામ મચાવતો હતો અને ગમે ત્યારે બોટાદ જિલ્લામાં કોરોના આગમનની શક્યતા હતી. કોરોના પ્રવેશ કરે તે પહેલાંની આ બધી પૂર્વતૈયારી સમયસર પૂર્ણ થાય તે જરૂરી જતું. ફરી માનવને કામે લગાડવામાં આવ્યો સાથે કલેકટર કચેરીની ટિમ પણ જોડાઈ અને દિવસ રાત મહેનતના પગલે બોટાદ જીલ્લાના સાંભવિત ક્લસ્ટર ઝોનને ડિજિટલ સ્વરૂપ મળ્યું. જે ભવિષ્યમાં ખૂબ કામ લાગવાનું હતું.
માનવની કાર્ય દક્ષતા અને નિખાલસતા સૌને પ્રભાવિત કરતી. દિવસરાત સેવા કરતો માનવ હંમેશા ઓફિસમાં હાજર મળે. 24 કલાક લેપટોપ સાથે ચીપકી રહેતો માનવ આમથી આમ અધિકારી ઓ પાસે લેપટોપ લઈને દોડાદોડી કરતા જોઈ આશ્ચર્ય થતું કે એક પણ રૂપિયાની અપેક્ષા વિના આ યુવાન ઘરના ખર્ચે કેટલી કાર્યદક્ષતા દાખવી રહ્યો છે!
બોટાદમાં વધતા જતા કોરોના કેસોને નાથવા જિલ્લામાં વૉરરુમ ઉભો કરાયો. આ વોરરૂમને સંક્રમિત વ્યકિતઓના સંપર્ક વાળા વ્યક્તિઓની વિગત હાથવગી રહે એટલા માટે ફેમલી ટ્રી બનાવાતા. આ કામગીરી સરળતાથી થઈ શકે એટલા માટે ઓનલાઇન ફેમિલી ટ્રી પોર્ટલ માનવએ બનાવી આપ્યું.! બોટાદ જિલ્લાના એસ.પી. શ્રી હર્ષદ મહેતા સાહેબના આગ્રહને માન આપી પોલીસ વિભાગને બેરીકેડિંગ બાઉન્ડરી તૈયાર કરી આપી.!

માનવની સૌથી નોંધપાત્ર અને બોટાદ જિલ્લા માટે ગૌરવપ્રદ સિદ્ધિ એટલે ‘ ગેટ વે ઓફ બોટાદ’ એપ. જિલ્લા કલેકટર સાહેબનાં નિર્દેશ અને માર્ગદર્શન તળે એક એવો સોફ્ટવેર બનાવવાનું નક્કી થયું કે જેના મારફત બોટાદ જીલ્લામાં પ્રવેશ કરનાર વ્યક્તિ અને વાહનની વિગત ઓનલાઇન દાખલ કરી શકાય તથા ત્યારબાદ થી આ વાહન જ્યાં જ્યાં જાય ત્યાં તેનો રેકોર્ડ ફરજ પરનો કર્મચારી જોઈ શકે. આમ થવાથી બોટાદ જીલ્લામાં પ્રવેશતા વાહનોનું ટ્રેકિંગ સચોટ રીતે થઈ શકે તથા તમામ ચેકપોસ્ટ પર એકસરખી એન્ટ્રીની કામગીરી નિવારી શકાય. ફરી એક વખત આ એપ્લિકેશન તૈયાર કરવા કલેકટર સાહેબ દ્વારા માનવને કામે લગાડાયો. રાત ઉજાગરા કરીને થોડા જ દિવસોમાં બોટાદ જિલ્લા માટે ખાસ ‘ ગેટ વે ઓફ બોટાદ ‘ એપ્લિકેશન તૈયાર કરી આપી. અને આ એપ્લિકેશનના ઉપયોગથી ચેકપોસ્ટ પર કામગીરી શરૂ થઈ. આ એપ્લિકેશનએ એટલું સચોટરીતે કામ આપ્યું કે રાજ્યના અધિક મુખ્ય સચિવશ્રી પંકજકુમાર સાહેબ એ બોટાદ જિલ્લાના આ નવતર પ્રયોગની પ્રશંશા કરી. એટલું જ નહીં સેવાભાવી માનવની કામગીરીને પણ બિરદાવી. સમગ્ર ગુજરાતના જિલ્લાઓ ને બોટાદ દ્વારા તૈયાર થયેલ એપ્લિકેશનનો ઉપયોગ કરવા સૂચન કર્યું! જિલ્લા કલેક્ટર સાહેબની રાહબરી હેઠળ માનવ મહેતાની મહેનતના પરિણામે તૈયાર થયેલ આ એપ્લિકેશન ‘ ગેટ વે ઓફ બોટાદ’ માંથી ‘ગેટ વે ઓફ ગુજરાત’ બની અને આજે ગુજરાતના ઘણાં બધાં જિલ્લાઓમાં આ એપ્લિકેશન ઉપયોગમાં લેવાય છે.!

માનવની ઉંમરના મોટાભાગના યુવાનોએ આ લોકડાઉન નો સમયગાળો ટોળટપ્પા કરવામાં વિતાવ્યો છે ત્યારે માનવ મહેતાએ આ સમયને સેવા ની એક તક સમજી દિવસરાત મહેનત કરી બોટાદ જિલ્લાને ગૌરવ અપાવ્યું છે. આજે તેના માતા પિતા આ બાબતે ચોક્કસ ગર્વ લઈ શકશે. ટૂંકાગાળામાં સખત પરિશ્રમ અને કાર્યકુશળતાના કારણે માનવ જિલ્લા કલેક્ટર સાહેબ સહિતના જિલ્લા કક્ષાના અધિકારીઓની પ્રીતિ પ્રાપ્ત કરી છે. આ છે ખરો કોરોના વોરિયર. સલામ છે એમની સેવા ભાવનાને . સાલમ છે એમની રાષ્ટ્રભક્તિ ને.

Translate »
%d bloggers like this: